Вчера во тешка сообраќајна несреќа на влезот на Тетово во правец на Скопје, загина жена на околу 50-тина години.

Како што јавуваат од СВР Тетово жената била сопатничка во автомобил марка „мерцедес”, а до тешката несреќа дошло поради судир со друго возило марка „голф”.
Несреќата се случила во близина на кружниот тек при влезот во Тетово, при што мерцедесот откако се судрил со голфот продолжил со неконтролирано движење и удрил во бандера.

Во автомобилот голф имало две лица, едно машко и едно женско, кои при судирот се повредени и се хоспитализирани во тетовската Клиничка болница.

Двата автомобили биле со тетовски регистерски таблици.

Исто така пред неколку денови во судар на две возила на наплатна рампа на автопатот Тетово – Гостивар загина 51-годишна жена од Кичево. На самата наплатна станица што е во близина на Тетово помеѓу две кабини се случи тешката сообраќајната несреќа со две возила. „Мерцедес” со охридски таблички управуван од 51-годишна жена жителка на Кичево и „фолксваген туарег” со дебарски таблици кој беше управуван од 37-годишен жител на градот.