Откако почна акцијата за уривање на дивоградбите во Охрид, сопствениците на угостителски објекти дивоградби вчера официјално побарале од Локалната самоуправа сами да ги урнат платформите крај езерскиот брег, пишува 24инфо.
Тие се одлучиле на ваков чекор откако им станало јасно дека ако не го сторат тоа, терасите ќе бидат урнати со полициска асистенција од ангажирани фирми, а сопствениците ќе треба да ги сносат трошоците. Активност за отстранување на платформата почнаа од кафетеријата Аквариус и дивопоставената тераса на кафетеријата Објектив.
Инаку вчера Нефи Усеини, советникот на ДУИ на својот профил на „Фејсбук“ повика на протести против акцијата на Општина Охрид за уривање на дивоградбите, а потоа се предомисли и истакна дека некој го искористил неговиот профил.
Инаку пред една недела охридските градски власти започнаа со рушење на дивоградбите и донесоа одлука за ставање на крај на безаконието и рушење на сите дивоградби во заштитеното подрачје и околината на градот.
Инаку, во Охрид се регистрирани над 1000 дивоградби од кои дури 409 се во заштитеното подрачје. Поради ова, до општина Охрид беа испратени сериозни забелешки од УНЕСКО и постои реална закана градот, поради дивоградбите да го загуби својот статус во угледната организација.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.