Сопругата на убиениот политичар – Оливер Ивановиќ, – Милена Поповиќ се најде на 55 место од изборната листа на Српската Напредна Партија кој е подготвувана во пресрет на новите парламентарни избори. Некои од политичарите при Српската Напредна Партија (СНС) ги изгубиле своите места на изборните листи, а на нивно место се донесени нови луѓе кои претставуваат освежување на изборната листа.

Меѓу нив може да се најдат многу музичари, глумци, познати уметници и професионалци во својата област, но и подмладокот на партијата како на пример: Ивана Поповиќ, Ѓорѓе Тодоровиќ, Стефан Србљановиќ, Оља Петровиќ и др.  

На изненадување на многумина на изборните листи на Српската Напредна Партија се најде и сопругата на убиениот Оливер Ивановиќ. Се шпекулира дека нејзината улога во партијата ќе биде да ја претставува заложбата на партијата во однос на прашањата кои се поврзани со српското население и српското културно наследство на Косово.

Оливер Ивановиќ во српската политика е познат како лидер на косовските Срби. Својата политичка кариера и политички ангажман го има вложено токму во борба за правата на Србите на Косово. Против него се водеа правни спорови и беше обвинет за воени злосторства над цивили за време 1999-2000 година на Косово. Сепак поради недостаток на материјални докази, судот го ослобови Ивановиќ од одговорност. Откако во 2015 година бил пуштен на слобода поради недостаток на докази кои го поткрепуваат обвинението за делото кое се теретел, политички притисок му бил извршен повторно во 2017 година кога повторно бил обвинет за дело поврзано со воени злосторства. Тогаш му била одредена мерка – домашен притвор. За време на траење на судскиот процес, обвинителството не успеало да набави докази, поради што истата година е пуштен да се брани од слобода.

Оливер Ивановиќ беше убиен на 16 јануари 2019 година пред вратата на својата канцеларија во раните утрински часови. Атентаторите го пречекале Оливер Ивановиќ во заседа и во него испукале неколку куршуми по што тој починал на лице место.

По неговото убиство беше погребан во Белград со одавање на посебни почести. По убијците на Оливер Ивановиќ сеуште трага косвоската полиција и обвинителството. Одлуката на неговата сопруга да се бави со политика ја поздавија многу српски граѓани според кои нејзината улога ќе биде да го продолжи делото на нејзиниот сопруг и да се бори за правата на Србите на Косово.