Д-р Ентони Фаучи, еден од најпрестижните американски експерти за заразни болести, рече дека за него оваа пандемија од коронавирус е најлош кошмар а предупредува дека се уште не е завршена борбата со ковид 19.

– Еболата беше страшна. Но, таа не може лесно да се пренесе….Сега имаме нешто што се претвори во мој најлош кошмар. За четири месеци, пандемијата го уништи целиот свет, рече Фаучи.

За него најстрашно е она има милиони и милиони заразени низ целиот свет и тоа за многу краток период.

Фаучи на конференцијата организирана од Организацијата за биотехнолошки иновации,  призна дека за него е изненадување што вирусот се шири премногу брзо но вели убеден дека ќе се најде вакцина.