На денешната прес конференција, министерот за здравство Венко Филипче истакна дека нашата земја во моментов  е соочена со бран на вирусот посилен од првиот.

Венко Филипче посочи дека оваа бројка на новозаболени се должи на олабавување на рестриктивните мерки, но и една серија настани, семејни собири и прослави на кои не се почитуваа препорачаните мерки за носење маска, дистанца, дезинфекција и често миење на рацете.

Многу пати досега ја упатувам пораката до граѓаните дека ова се универзални мерки насекаде во светот и во моментот единствениот начин да се заштитиме себеси, нашите семејства, пријателите, секако и здравствените работници, но и здравствениот систем во целост.

Според она што го изјави Венко Филипче,  нашиот здравствен систем во овој момент е целосно прилагоден кон новата состојба.

– Но, тоа што е најважно е поддршката од граѓаните, целосното почитување на мерките и солидарноста. Ако ова го имаме многубрзо ќе ја надминеме оваа состојба. Сега кога во целост постепено се враќаме кон редовните животни активности повеќе од кога било е важно сите да дадеме свој придонес во спречување на ширење на вирусот. Сите сме заедно во оваа битка и секој еден од нас е важен, посочи Филипче на прес-конференцијата.

Тој потенцира дека одржале состаноци со Комисијата за заразни болести, Институтот за јавно здравје, центрите за јавно здравје и неколку јавни здрвствени установи, со лабораториите каде се врши дијагноза на вирусот, на кои разговарале за следните чекори кои би биле превземени за справување со епидемијата.