Германскиот екстремнодесничар Френк Магниц беше претепан и сериозно повреден во напад што полицијата го смета за политички мотивиран.

Лидерот на Алтернативата за Германија (АФД) во Бремен беше нападнат од тројца луѓе во центарот на северниот град во понеделникот. 

Маскирани мажи го удирале со дрво и со клоци по главата по што Магниц паднал во несвест, изјавија официјални лица од АФД.

Од Алтернатива за Германија се заблагодарија на градежен работник кој му придол на помош на пратеникот.

Г-дин Магниц само што го напуштил приемот за Нова Година во уметничкиот музеј во Кнештал во Бремен, кога бил нападнат. 

Магниц имал длабока рана на челото и неколку гребаници околу неговото око. 

Минатата недела канцеларија на АФД во источниот град Добелн беше оштетена од експлозија во која никој не беше повреден.