Јоханес Хан, еврокомесарот за проширување и добрососедска политика доби свој наследник. Медиумите веќе почнаа да шпекулираат дека наследник на Хан ќе биде словенечкиот дипломат Јанез Ленчариќ.

Бањалучкиот весник „Независне новине“, повикувајќи се на повеќе неименувани извори денеска неофицијално го објави наследникот на Хан, истакнувајќи дека се работи токму за Јанез Ленчариќ.

Според „Независне новине“, ваквата одлука се уште не е донесена и се уште не е јасно на кој начин потфелјот за проширување ќе биде дефиниран, иако Ленарчиќ во бриселските кругови се почесто се споменува како можен кандидат на оваа функција.

Како што пренесе весникот, и словенечката Влада го номинирала Ленарчиќ за свој кандидат за еврокомесар. Весникот пишува дека ресорите во кои Владата на Словенија би сакала да го види Ленарчиќ  се комисаријатите за животна средина и за енергетика.

Добар познавач на бриселските прилики за „Независне“ вели дека  е речиси извесно дека следниот комесар за проширување ќе дојде од соседството на Западен Балкан, со оглед на тоа дека последните двајца еврокомесари беа од Словачка и Австрија.

-Може да се очекува по извесното иманување на Шпанецот Жозеп Борел за висок претставник на ЕУ за надворешна политика и безбедност ресорот за проширување да го води лице кое ќе може да воспостави одредена противтежа на политиката која од ЕУ се водеше кон регионот на Западен Балкан. Од тој агол Словенецот ќе изгледа како паметен избор, вели неименуваниот извор за весникот и додава дека конечниот правец, сепак, ќе го одреди Урсула фон дер Лајен, која функцијата претседател на ЕК ја презема на 1 ноември.

Наводно Фон дер Лајен вчера остварила средба со Ленарчиќ за да разговара за можната позиција во ЕК, но не се очекува дека таа во овој момент би можела да ги открие картите, додава „Независне“.