Дете на возраст од шест години со возило на Итна медицинска помош од Охрид е упатено на Клиниката за детски болести во Скопје изјави директорката на Државниот санитарен и здравствен инспекторат – Ирина Сотирова Бухова која претходно беше дел од денешната прес конференција која ја водеше заменик министерот за здравство – Асим Муса.

Ова е четврти случај на дете со дијабетес донесено на Клиниката за детски болести за само една недела.

Изминатите денови на Клиниката беше донесено 14-годишно дете од Охрид во тешка здравствена состојба – кое поради сериозноста на здравствената состојба потоа е упатено на КАРИЛ а биле примени и деветгодишно од Гевгелија и тригодишно дете од Свети Николе кое сега е пуштено дома.

Заменик министерот Муса за влошената состојба на девојчето на КАРИЛ оцени дека виновни се родителите кои задоцниле со реакцијата но и истакна дека сите три случаи се прво констатирање на заболување од дијабетис кај сите пациенти.