Шокантна исповед на поранешниот бразилски фудбалер Флавио Донизете се појави во јавноста, во која тој отворено говори за својата завист од кокаинот. Бразилецот открива колку далеку отишол и на што се бил спремен само за да додје до кокаин.

Во својата исповед тој посочува дека го продал дури и својот златен медал за да купи кокаин.

Во текот на кариерата, Донезете играше за солиден број на клубови, а најголем успех оствари со Сао Паоло во 2005 година кога стана светски шампион, кога го победија Ливерпул со 1;0.

„Откако се запознав со кокаинот, премногу изгубив, затоа што тогаш немилосрдно го користев. Кога се појави кокаинот во мојот живот, почнав да губам се што имам. Парите кои ги имав на сметка, разни работи, едноставно исчезнуваа кај мене. Се загубив, единствено ги сочував жената и ќерката“.

„Морав да го продадам и златниот медал за да купам дрога. Користев дрога и правев разни глупости. Кокаинот го користев како луд, сите пари од медалите, ги дадов на кокаин, се отиде за два дена“, признава Донизете, пренесе СпортКлуб.

Минатата година бразилецот успеа да врати еден од медалите во своја сопственост, а во тоа му помогнал легендата на бразилскиот фудбал Кафу.