Советот на јавни обвинители вчера донесе одлука да биде ставено вон сила делот од решението за разрешување на СЈО Катица Јанева со кое е определено дека и мирува функцијата како јавен обвинител во ОЈО Гевгелија.

Претседателот на Советот на ЈО Ацо Колевски, вчера изјави дека Специјалното јавно обвинителство и редовното државно Јавно обвинителство се посебни институции, така што, со решението таа фактички и не може да ја обавува функцијата јавен обвинител.

– Со тоа што е определено дека е ставено вон сила решението со кое и мирува функцијата како јавен обвинител во ОЈО Гевгелија, фактички и веќе не може да ја обавува функцијата како јавен обвинител, изјави Колевски.

Новинарката Јорданка Ивановска Јоци веднаш по разрешувањето на Јанева, реагираше на социјалните мрежи и напиша дека подобро ќе беше Катица СИДА да фатеше, отколку се ова што направи.

Катица ја разрешиле и од ОЈО Гевгелија.
Шо знам…СИДА да фатеше женава, боље ќе поминеше одошто се` ова што направи.

Обвинителката Јанева е разрешена од СЈО поради нестручно и несовесно вршење на функцијата.

Екс специјалната обвинителка Катица Јанева од пред неколку недели е во притвор во затворот „Шутка“. Обвинителката Русковска вели дека истрагата продолжува во потрага по натамошни докази за скандалот Рекет.