Ќерката се разбудила пред три дена на одделението на интензивна нега во болницата Ребро во Загреб, каде и моментално се наоѓа. Комуницира со персоналот, а една од првите работи кои ги споменала била дека дома ја тепале.

Станува збор за девојчето кое е помеѓу четирите деца кои ги фрли од прозор таткото Јосип Роџак од островот Паг во Хрватска.

Поради ова, докторите во болницата биле шокирани.

Од болницата за хрватските медиуми пренесуваат дека здравствената состојба на девојчето е подобрена, успешно се опоравува и во вторник би требало да биде префрлена во друго одделение.

Според овие информации, девојчето во болницата постојано зборувало дека сака да оди дома и да ја види мајка си. 

Инаку ова е инцидент коха 54-годишен маж од прозор од првиот кат на својата куќа ги фрлил своите четири деца. Инцидентот се случил во Паг, Хрватска, пред неколку дена. Две од децата се потешко повредени.  За време на немилиот настан била присутна и 43-годишната мајка на децата.