Со воз до Бугарија ќе патуваме дури во 2025 година но возот до Софија или Бургас ќе го чекаме уште дополнителни две години.

Првата фаза од делницата е закочена веќе две години поради нерешени проблеми, а до крајот на годинава треба да се потпише анкес на договорот.

Од 8 јануари 2019 година се очекува замрзнатиот проект целосно да стапи во функција и работите ќе се забрзуваат во големо темпо,а се очекуваат да завршат после 4 години.

Кога овој проект ќе се заврши, граѓаните на Софија и Скопје ќе патуваат со воз но уште поважно што транспортот на стоки ќе стане поефтин, побрз и полесен,преку коридорот 8 двете држави ќе се поврзат, но за финализирање на проектот за железничко поврзување треба уште многу работа, изјави Самуел Жбогар, ЕУ амбасадор.

Од МЖ Инфраструктура застојот го оправдуваа со погрешни вештачења и судски спорови, проблеми со археолошки наоѓалишта и грешки во проектирањето. Вкупната должина на пругата до Бугарската граница е 86 километри, проектот е почнат уште пред 25 години и се проценува на над 600 милиони евра Третата фаза од пругата до бугарската граница, долга 23 километри е најскапиот дел поради конфигурација на теренот.Од потребните 350 милиони евра досега се обезбедени само 60 .