Британскиот премиер Борис Џонсон ги повика родителите да ги испратат своите деца на училиште во септември, оценувајќи дека тоа ќе биде клучен чекор за закрепнување на земјата и нејзината економија од последиците од епидемијата на вирусот корона.

„Ризикот од заразување со„ Ковид-19 “на училиште е многу мал и многу е штетно за развојот на децата и нивното здравје да не одат на училиште“, рече Џонсон.

Затоа, како што додаде, важно е децата да се вратат во училниците за да учат и да бидат со пријателите.

„Ништо нема да има поголем ефект врз животните шанси на нашите деца отколку да се вратат на училиште“, рече британскиот премиер.

Кај нас се уште нема донесено одлука за тоа дали на 1-ви септември ќе се започне со училиште. Имаше неколку предлози за започнување на учебната година така што децата би учеле со заштитна маска, часовите би траеле пократко и би биле поделени во групи, но се уште нема донесена никаква конкретна одлука.