Во вечерашното гостување во емисијата Само Вистина на Канал 5 телевизија, новинарот и уредник на Плусинфо, Бранко Героски рече дека според него новата Влада, нема да има мир ниту 100 часа, а не па како што вели 100 дена. Героски додаде дека според него сега веќе кога Владата е формирана треба да се започне со работење со полна пареа.

Героски рече дека со функцијата вицепремиер за борба против корупцијата СДСМ всушност ги признава своите слабости, и сега дава одговор на она што тој го пишуваше во своите колумни.

-Добро е што борбата против криминалот и корупцијата е прва, е приоритет. Тоа е признание за нивните слабости, за слабостите на СДСМ, претходната влада на СДСМ, за што јас зборував и пишував. Но, не е јасно што тоа значи освен што е јасно дека ќе има прочистување, се смисли на кадровско прочистување, а јас сум голем скептик. Не гледам како ќе го прават тоа, нема концепт. А го има секаде, корупцијата ја има секаде, можеби во судството е најизразена, таа е плод да се задоволат интересите на врхушката во СДСМ затоа што борбата против корупцијата не е кај извршната власт. Вицепремиерот можеби ќе може да координира и да прави политики, но директно не е надлежен за тоа, објасни Героски.

Героски истакна дека за него е чудно што ова е во еден дел влада во контиуитет со отприлика исти кадри.

-Отрилика исти кадри, а се воведува нова функција вицепремиер за борба против корупцијата. Борбата против корупцијата и криминалот е јасно кој е надлежен за неа, обвинителство, судство, има институции и тука не може да се меша некој од извршната власт. Исто не објаснија ниту што точно тој ќе работи. Многу ќе биде опасно ако извршаната власт почне да се меша во судската. Ако вицепремиерот Николовски доаѓа со идеја дека ќе може да влијае врз едно независно тело како Антикорупциска тогаш може слободно да се стави клуч на Илинденска и на таа Комисија и да си одат дома, бидејќи од таа работа не може да има ништо. јаас не знам што ќе работи овој вицепремиер, но знам што нема да работи нема да може да му се јавува на министерот за внатрешни Спасовски. Мора да функционира поделба на власт, рече Героски.