Денеска директорот на СЗО за итни ситуации, Мајкл Рајан, ги предупреди владите да не даваат политички мотивирани информации за пандемијата со коронавирусот.

Рајан во Жeнева кажа дека „обидот да им се презентираат поедноставени решенија на луѓето, да долг рок, не е стратегија која победува“.

-Ако заедниците проценат дека добиваат информации со кои политички се манипулира или се управувани на начин што не одговараат на реалноста, тогаш тоа, за жал, се враќа како бумеранг, изјави Рајан.

Тој посочи дека „транспарентноста, доследноста, искреноста и признавањето на грешките можат да ја изградат довербата“. 

Светска здравствена организација или СЗО (англиски: World Health Organization, WHO) — посебна организација на Обединетите нации која делува како координативно тело на меѓународното јавно здравство. Седиштето ѝ е во Женева, Швајцарија. СЗО е создадена од ООН на 7 април 1948 година. Тековен генерален директор од 2017 година е Тедрос Аданом. СЗО е наследничка на Здравствената организација (Health Organization), која била агенција на Лигата на нациите.