Соопштение по повод манастирската слава!

Преку безживотната утроба, се раѓа Мајката на животот, плачот на прамајката во радост се претворува, бидејќи чудата Божји го надминуваат секој ум па и небесниот.
Затоа нека се радува сега секоја твар воспевајќи ја Богородителката да торжествува сега целата вселена велелгасно воскликнувајќи “Радувај се Благодатна преку тебе ни се јави Бог, кој има милост голема“

Серадосно подготвувајќи се за еден од најголемите празници Рождеството на Пресвета Богородица, со особена радост сетринството на нашата обител ве поканува молитвено да го прославиме денот на почетокот на нашето спасение.

Во навечерието на Рождеството Богородично(недела) службата ќе започне во 19:00 часот.

Следниот ден утринската богослужбата ќе започне од 07:30 часот, а Светата Архиерејска литургија ќе започне во 09:00 часот на која ќе чиноначалствува нашиот архипастир Митрополитот г-дин Тимотеј во сослужение со нашиот старец Епископот Антаниски г-дин Партениј и клир од Дебарско-Кичевската епархија.

Поради пандемијата со коронавирус (Covid 19) оваа година јавнато служење на манастирска храна (трпеза) е откажано.

Ги замолуваме сите поклоници и посетители совесно да се придржуваат до сите пропишани мерки за здравствена заштита и превенција од вирусот COVID-19, односно, задолжително да носат заштитна маска, да користат средство за дезинфекција и да го запазуваат потребното социјално растојание, стои во соопштението!

Богородица со својата силна молитва да го спаси светот од ова невидливо искушение, а нам да ни ја утврди верата во нејзината света рожба – Христос нашиот Спасител.
Амин!