Утрово се одржа нов состанок на Комисијата за заразни билести при што е одлучено да се предложат нови рестриктивни мерки, како што се ограничување на бројот на патници во јавниот превоз за 50 проценти, забрана за секакви настани и крај на работното време на сите субјекти по 23 часот, соопшти министерот за здравство Венко Филипче.

За нив ќе се одличува на владина седница во понеделник!

Одржавме состанок заедно со Комисијата за заразни болести утрово, ги разгледаме околностите со кризата, некои епидемиолошки податоци од анкетите.

Состојбата во болниците е таква да целосно е спремна модуларната болница до Инфективната клиника, иако таму се уште нема сместено пациенти. Во однос на бројките, еве гледаме и насекаде во регионот се зголемуваат дијагностицираните случаи, со очекуваниот есенски бран – рече Филипче.

Во однос на бројките еве гледаме и секаде во регионот се зголемуваат случаите. со есенскиот бран, рече Филипче.

Еден пакет рестриктивни мерки е веќе предложен до Владата, потребно е да се направат законски измени и Собранието идната недела да го изгласа. Тоа е пакетот мерки за задолжително носење маски на отворено, забрана за групирање по 22 часот и забрана за домашни посети на повеќе од четири лица.