Мигрантите од Хондурас, бегајќи од сиромаштијата, се упатија кон САД денес преку границата со Гватемала.

Цели семејства, со поспани деца во рацете, се упатија кон градот Агуа Калиенте, недалеку од границата со Гватемала, рано утрово.

Околу 2.000 до 4.000 луѓе се упатуваат кон границата. Некои веднаш најдоа превоз, додека други тргнаа пеш придружувани од полицијата.

“Немаме друг избор освен да одиме. Треба да одиме од тука, од оваа земја, затоа што ќе умреме тука”, рече 25-годишниот возач од Кофрадија.

Полицијата имала контролни пунктови покрај автопатот, но само ги идентификувала мигрантите. Голем број полицајци со заштитна опрема седеа во автобуси покрај автопатот, но тие не презедоа никакви чекори за да ги запрат мигрантите.

„Комбинацијата на ковид-19, социјалното исклучување, насилството и климатските катастрофи што се случуваат во невидени размери во Централна Америка“, рече денес Меѓународниот комитет на Црвениот крст.