Поранешниот новинар Бобан Нонковиќ ги отвори шпекулациите околу можноста дека е откриен кртот во ВМРО – ДПМНЕ кој им го дал програмот за работа на избори на конкурентската СДСМ.

Бобан Нонковиќ по објавата на веста дека поранешниот министер и поранешен пратеник на ВМРО – ДПМНЕ, Никола Тодоров сепак ќе излезе да гласа, иако Против на претстојниот референдум, раскажа интересна приказна:

Неколку месеци пред предвремените парламентарни избори во 2016 година (оние што СДС со Американците и покрај тоа што ги украдоа, сепак ги изгубија со 20 илјади гласови помалку од ВМРО – ДПМНЕ), се јави скандал во дотогаш владејачката партија во однос на дотогаш беспрекорниот систем “Hahw 1+3”, што е всушност компјутерски програм за агитирање и регистрирање на гласачи, по кој ВМРО – ДПМНЕ газеше се до изборите во 2016 година.

Тој програм, всушност во партијата го донесе Никола Тодоров, а наводно го има изработено истиот ИТ експерт што го креира и системот “Мој термин” во рамки на Министерството за здравство, додека Тодоров е министер.

Е, сега, скандалот пред изборите во 2016 година беше дека “некој” тој програм за предизборно делување на ВМРО – ДПМНЕ (со членови, гласачи, симпатизери на партијата, но и потенцијални гласачи што треба да се посетуваат и убедуваат во три турнуси), наводно го предал на СДС и Американците и дека тие по истиот ги обработуваат/купуваат членовите, гласачите и симпатизерите на ВМРО, но и пред се неутралните со цел да го дадат својот глас за СДС.

Тогаш, сомнежите во Републичкиот изборен штаб на ВМРО – ДПМНЕ дека го предал овој програм на конкуренцијата, беа на неколку луѓе.

Но, мислам дека одговорот на оваа трилема, го добија сите, а пред се  партијата чиј поранешен претседател Груевски, секојдневно се покажува дека имал најлош кастинг во историјата на политички плурализам во Македонија.

По ова Нонковиќ должи одговор на две прашања а Тодоров на едно.

Дали е вистина дека т.н. програм за агитирање постоел и се користел со што ја носи во прашање победата на ВМРО – ДПМНЕ на низа избори?

Дали Сашо Мијалков сеуште ги има повторно воспоставените одлични односи за кои Нонковиќ треба да одработи “независно и професионално”?

Тодоров треба да одговори само дали изјавата на Нонковиќ е вистина? Останатото е правен материјал за кривично дело кое ќе го оформи Јавното обвинителство.