Претседателот на лабуристите, Џереми Корбин, за време на својот говор на партиската конференција во Ливерпул изјави дека неговата партија ќе ја признае палестинската држава штом ќе дојде на власт.

Корбин рече дека партијата ќе ја признае државата Палестина со цел да се спроведе решение со две држави со посредство на ОН.

Но, и четвртина век од договорот од Осло ние не сме поблиску до правдата и мирот, а палестинската трагедија продолжува додека надворешниот свет стои и набљудува. Како што рече мојот голем израелски пријател, Ури Авнери, кој почина годинава: Што е алтернатива на мирот? Катастрофа за двата народа. А за да помогнеме да се постигне тоа решение од две држави, ќе ја признаеме палестинската држава веднаш штом ќе ја преземе власта. – изјави Корбин.

Корбин го осуди и убиството на претежно невооружените палестински демонстранти во Газа за време на големиот марш за враќање од страна на војниците на израелските одбранбени сили (ИДФ) кога шестнеделната демонстрација почна на 30 март.