Земјите-членки на Европската унија денес едногласно одобрија санкции против САД, гласајќи за воведување тарифи на увоз на одредени американски производи како што се џинс, виски и мотори, а како одговор на царините кои Вашингтон претходно ги воведе на увозот на европскиот челик и алуминиум, јавуваат повеќе европски медиуми.

Примената на оваа мерка едногласно ги усвоија сите 28 членки на ЕУ и Европската комисија ќе преземе чекори како тие да бидат спроведени.

Европските контрамерки можат законски да стапт во сила на 20 јуни, но ЕУ би можела да почека и до 1 јули за во исто време да реагира и Канда, која Вашингтон, иста така, ја санкционираше, а кја планира своите мерки да ги лансира на првиот ден од наредниот месец.

На европската листа се десетина американски производи меѓу кои и некои кои ја симблизираат американската економија и култура, како што се вискито и мотори „Харли-Дејвидсон“ и фармерките.

Противмерките на ЕУ имаат за цел во про време да компензираат штети во висина од 2,8 милијарди евра на европската индустрија за челик и алуминиум предизвикани од американските даноци.