Музичката звезда од Македонија, Антониа Гиговска која се претстави синоќа на натпреварувањето на „Пинкови ѕвездици„ со својот ангелски глас жирито го обори во транс.

Во вчерашното издание во натпреварувачкиот круг на „Пинкови звездици„ Антониа Гиговска ја изведе песната од познатиот македонски пејач Пепи Бафтироски „Ако грешам нека изгорам„ а жирито не можеа, а да не го искоментираат нејзиниот маестрален настап, пред српската публика.

Жирито коментираше дека Антониа има извонреден глас и дека преубаво пее. Додека пак пеачката Гоца Тржан искоментира дека ја обожава македонската музика во секоја смисла.

Кога станува збор за музиката, Антониа Гиговска може да се пофали со многу успеси, почнувајќи од учеството на „Пинкови ѕвездици“, учеството во мјузикалот „Тајно моја“ за Тоше Проески, го освои второто место на фестивал во Романија, а претходната година извојува победа и на Макфест.

Антонија Гиговска изминатиов период престојуваше во Романија, а поводот за тоа беше учеството на јубилејното 50. издание на популарниот романски фестивал „Златен елен“ кој се одржува во градот Брешов.

Младата пејачка, која беше една од 18-те странски изведувачи на фестивалот, ги освои симпатиите и на публиката и на жирито, а доказ за тоа е освоеното 2. место.

Легендарната македонска песна „Ако згрешам нека изгорам“ , за првпат ја отпеа Пепи Бафтировски. Специјално за него музиката и текстот ја направија браќата Брбаровски а аражманот го направи македонската прва хармоника маестрото Милан Завков. 

Песната за првпат беше изведена на Фестивалот за народна Музика „Фолк Фест Вландово„ во 1988 година

Бафтировски кој важеше за еден од нашите најуспешни фолк-пејачи во 2003 година со семејството се пресели во Чикаго. Пет години подоцна му беше дијагностициран рак на белите дробови и почина на 66-годишна возраст.

Во Америка се пресели со сопругата Ава Керш со која има две деца,  ќерката Марина и синот Емил. Кратко време по иселувањето познатата естрадна двојка се разведе, но Пепи и Ава останаа пријатели до крајот на неговиоит живот.

Она што фасцинира  е дека младата Антонија  ја избра токму оваа песна , во која е опишан македонскиот печалбарски живот.

Погледнете го нејзиното синоќешно врвно пеење, пред публиката во Србија: