Македонскиот машки ракометен првак Вардар скоро е во четврт-финале од Лигата на шампиони, откако вечерва славеше во Загреб со убедливи 18-27.

Криштопанс и Карачиќ реализираа по пет гoлa, Мораеш постигна четири а извонреден на гoлoт беше Милосављев со 14 одбрани.
Вардар ќе треба да се оправда пред својата публика, мечот во „Јане Сандански“ се игра на 30. март.

РК „Вардар“ е првиот неофицијален првак на Македонија, бидејќи во 1992 година, во времето на распадот на СФРЈ, во конкуренција на неколку македонски екипи, во турнирски систем го освои првото место. РК „Вардар“ е повеќекратен шампион на Македонија. РК „Вардар“ има богато учество на меѓународните ракометни натпреварувања.

На европската ракометна сцена, „Вардар“ дебитирал во сезоната 1993/1994, во натпреварите од Купот на ЕХФ. Притоа, „Вардар“ трипати играл во полуфиналето на КПК.

Во своето прво европско полуфинале во сезоната 1998/1999, „Вардар“ загубил од „Адемар Леон“ (27:29, 20:35); во второто полуфинале во КПК (2004/2005) загубил од РК „Загреб“ (23:21, 26:34), а во третиот обид (2010/2011) бил поразен од „Гумерсбах“ (21:33, 29:38).

Во рангирањето на ЕХФ, „Вардар“ двапати бил меѓу 14. најдобри екипи во Европа. Исто така, „Вардар“ е првата македонска екипа што настапувала во Лигата на шампионите, како и првиот победник во Регионалната лига „СЕХА„