Актерот Сашо Тасевски, и поранешен директор на Драмскиот театар, упати порака со критика дека власта што не донела живот, сега е принудена да се бори за живот. Критиката се однесува и на генералниот секретар на СДСМ Кирацовски, за кого вели дека го гледал на телевизија како “збори за победи, иднини, убајни.., а заборавил на лимонот што му беше заглавен во грло на првиот прес по гласањето на претседателските избори“. Тасевски и порачува на владеачката партија дека токму заради таквата ароганција нема да има цензус во вториот круг на претседателските избори!
Статусот на Сашо Тасевски: Ни порака чуле, ни ја прочитале. Го глеам вчера Кирацовски на дебата, не знае кај е лево, кај е десно. Збори за победи, иднини и убајни. Одма заборави на лимонот што му беше заглавен у грло во неделата на првиот прес по гласањето. Тоа со метлата ќе остане на празни зборови. Им гледаш во фаца дека алергични се на метла. Како да не ги стрефи земјотрес пред два дена. Не сфаќаат, нема цензус да имаат во вториот круг. Уште повеќе неутрални нема да излезат од оние кои гласале во првиот круг за нив, само зашто не можат да ги заборават лесно зулумите на ДПМНЕ. Е овојпат нема да излезат. Подопашници, удбаши и полтрони од СДСМ, гледам ја префрлаат вината на бојкотирачите. Глупи биле, сакале Вемереото да се врати. Катастрофална грешка правите што ги обвинувате. Никој од нив не ги сака ДПМНЕ. Ама за вас гласот нема да го дадат. Сретнете се на улица со нив, во маркет, ќе ви кажат зошто, не ги слушајте оние што ви рецитираат вагинална поезија на митинзите и собиранките. Таквите будали и ве напумпаа ѓоа сте пауни и нешто вредите. Тие се партиски јадници, толку им сече, ги има во секоја партија. Помина времето на вашата комоција на крилата на позитивноста на неутралните и поочиклените, кои пред три години ве посакуваа на власт од срце зашто не можеа да го поднесат примитивизмот и силеџиството на ДПМНЕ. Умре тоа. Немате веќе простор за ароганција. Сега не носите живот, туку се борите за живот. Оти ги вратите ли на власт ќосињата со вашата неагилност од типот: Кој ги клацка незадоволните, кога со нас се САД ЕУ и НАТО, да знаете, вас први ќе почнат да ве топат за сапун. Е кај вмровците исто ништо не се сменило, особено не, желбата за одмазда. Ние останатите, ауфидерзен. Што е доста, доста е.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.