Поранешниот директор на Токсикологија, Научен советник д-р. Нико Беќаровски, кој исто така беше доследен поддржувач на Шарената Револуција, напиша дека е крајно разочаран од непринципиелниот обид да се избегне морална одговорност на Боговски, бидејќи како специјалист интернист токсиколог кој 29 години работи со болести на зависност и може само иронично да се насмее на бедното образложение.

Д-р. Нико Беќаровски, поранешниот директор на Токсикологија и научен советник, напиша брутален одговор на коментарот на Замир Мехмети, кој го оправдува Богоевски за вчерашниот скандал со телефонските разговори за набавка на канабис.

Д.р Беќаровски одговори дека канабисот за медицински цели е легализиран и одобрен во држава. Тој напиша дека има пристојна палета на производи кои регуларно се продаваат во аптеките, а посебно за ,,наведената индикација” и како второ, маслото од канабис се продава во милилитри и не постои доза од ,,пола”. 

Ви го пренесуваме неговиот коментар на социјалните мрежи:

,, Целиот текст не држи ниту ,,пола грам” вода. Канабисот за медицински цели е легализиран и одобрен во држава. Има пристојна палета на производи кои регуларно се продаваат во аптеките, а посебно за ,,наведената индикација”. Второ, маслото од канабис се продава во милилитри и не постои доза од ,,пола”. Пола грам е доза за прашкасти материи (хероин, кока). Како доследен подржувач на Шарената Револуција, крајно сум разочаран од непринципиелниот обид да се избегне морална одговорност, а како специјалист интернист-кл.токсиколог кој 29 години работи со болести на зависност можам само иронично да се насмеам на бедното образложение.

Заедно викавме ,, нема правда, нема мир” ама тоа мора да важи за сите до еден“-пишува во коментар поранешниот директор на Токсикологија, Научен советник д-р. сци Нико Беќаровски.

Ова е неговиот одговор  на коментарот на Замир Мехмети кој вели:

,, По игра на случајност знам за приватните проблеми со кои се соочува Павле. Знам за трагедијата која есеноска му се случи нему и на неговото семејство. Сестра му настрада во тешка сообраќајна несреќа и после повеќе од 20 дневна кома се разбуди со тешки последици. Маслото од канабис и помага за полесно справување со болките исто како што помага и за ублажување на симптоми од многу болести.
Не знам за вас но јас лично би одел до Северна Кореа да го договорам и Ким Јонг Ун за пола нуклеарка ако тоа би му помогнало на некој мој близок. Ова го зборувам како син на татко со преживеани 14 мозочни удари кој 15 години беше практично инвалид. Морализирање на овие теми сведочи за отсуство на сочуство и емпатија помеѓу луѓето што е показател за суровоста која не има обземено сите“-коментираше Мехмети.
Лавина реакции предизвика признанието на пратеникот Павле Богоевски дека вчера пуштената снимка во која се слуша како тој договара купување на нешто нелегално, е автентична.
Во своја одбрана напиша дека е точно дека купил нешто нелегално, но дека не е коакин, туку масло од канабис за некој ,,негов близок“.