Во угостителски објекти во Гостивар и Тетово полицијата открила 20 албански државјани кои нелегално престојувале во државава.

Минатата ноќ во времето од 05,00 до 11,00 часот од страна на полициски службеници била извршена акциска контрола на подрачјето на Полициското одделение Чегране и во с.Чајле на три објекти биле затекнати шест лица: Ч.А.(40), Х.Д.(41), Ч.Ш.(61), А.Е.(26), А.М.(42) и З.Ч.(55) сите од Р.Албанија со непријавен престој во Република Македонија.

Лицата кои престојувале во Македонија на нелегален начин, биле приведени во полициска станица за понатамошна постапка.

Исто така и денес во времето од 05,00 до 11,00 часот од полицијата била спроведена контрола на подрачјето на Полициската станица Гостивар и при контрола во седум објекти биле затекнати 13 државјани од Р.Албанија со непријавен престој во Македонија.