Момче на возраст од 23 години од Пакистан, загина на пругата во близина на селото Ногаевци кога во него удрил воз што сообраќал на релација Гевгелија – Скопје.
Несреќата се случила вчера околу 19 часот, а 23-годишникот починал на самото место, изјавија од МВР.
Со него бил уште еден Пакистанец на возраст од 30 години, кој ѝ бил предаден на полицијата и префрлен во Прифатниот центар за странци во Гази Баба, Скопје.
Увид на местото на несреќата извршиле СВР Велес.
Десет мигранти од Пакистан пред два дена откриени во џип, на автопатот Гевгелија-Скопје.
Според МВР околу 3.50 часот, во близина на клучката за селото Прдејци, полициски службеници забележале патничко возило „бмв х5“ со скопски регистарски ознаки, кое не застанало на знакот за запирање.
Полицијата со службено возило го стигнале џипот и во него биле пронајдени 10 мигранти од Пакистан.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.