Манчестер сити го победи Вотфорд со 8:0 на стадионот „Етихад“ во рамки на шестото коло во англиската Премиерлига.

Манчестер сити одигра феноменален натпревар на „Итихад“, па го декласираше фенерџијата Вотфорд со осум гола во нивната мрежа, пишува спорт 1.

„Граѓаните“ влегоа во историјата на натпреварувањето како први што успеале да постигнат пет гола во само 19 минути. Хет-трик прослави Бернардо Силва во 15. минута, во 48. минута и во 60. минута, по еднаш во листата на стрелци се впишаа и Давид Силва (1’), Серхио Агеро (7’ од пенал), Ријад Марез (12’), Никола Отаменди (18’) и Кевин де Брујне (85’).

Во продолжението Бернардо Силва постигна уште два гола за водство од 7:0 на Сити, а во 85. минута во листата на стрелците се запиша и Де Брујне.

Премиерлига, 6 коло:

Манчестер сити – Вотфорд 8:0
Евертон – Шефилд јунајтед 0:2
Барнли – Норич 2:0
Лестер – Тотенхем 2:1
Њукасл – Брајтон (сабота, 18.30 ч.)
Кристал Палас – Вулверхемптон (недела, 15 ч.)
Вест Хем – Манчестер јунајтед (недела, 15 ч.)
Арсенал – Астон Вила (недела, 17.30 ч.)
Челзи – Ливерпул (недела, 17.30 ч.)