Како што е наведено во Одлуката за распишување на Референдум таа се базира на член 73 став 1 од Уставот на Република Македонија – Собрание на Република Македонија донесена на денешната 57-ма седница чиј дневен ред беше прифатен со 65 пратенички гласа “за” без против или воздржани.

Со ова и официјално се распишува Референдум за консултирање на граѓаните на целата територија на Република Македонија кои ќе можат да се изјаснат на референдумското прашање кое гласи:

“Дали сте за членство во ЕУ и НАТО со прифаќање на Договорот помеѓу Република Македонија и Република Грција?” на што граѓаните кои ќе излезат да гласаат имаат опција “за” и опција “против” во изјаснувањето.

Референдумот ќе се одржи на 30-ти септември 2018 година ден Недела.

За распишување на Референдумот гласаа 68 пратеници – воздржани и против немаше. 

Предлогот до парламентот беше поднесен од 69 пратеници на СДСМ – ДУИ и БЕСА но и независни пратеници во законодавниот дом.

ВМРО – ДПМНЕ поднесе два амандмани од кои едниот се однесуваше за тоа Референдумот да има задолжителен – правно обврзувачки карактер за законодавниот дом додека вториот се донесуваше на измени во референдумското прашање од кое би се исфрлил делот “членство во ЕУ и НАТО со прифаќање на” со што прашањето би гласело “Дали сте за прифаќање на Договорот помеѓу Република Македонија и Република Грција”.

И двата амандмани беа отфрлени со 65 т.е 64 пратенички гласови против.