Најбараниот терорист на светот беше лоциран на тајната акција во селото Бариша, а умрел како што соопшти американскиот претседател Доналд Трамп, како кукавица во тунелот.

На видео снимката објавена после синоќешната акција, се гледа премногу оштетен камен и цигли расфрлани на сите страни.

Во обраќањето на американскиот претседател Доналд Трамп, тој изнесе детали за тајната воена акција во Сирија, каде американските војници го убиле водачот на ИД , Абу Бакр Ал Багдади.

Синоќа Америка го донесе пред лицето на правдата терористот број еден на светот. Абу Бакр ал-Багдади е мртов, рече Трамп на почетокот на обраќањето.

– Тој беше основач на ИСИС, најсуровата терористичка организација на светот, го баравме со години, неговото апсење и убиство беше врвен приоритет на мојата администрација. Нашите сили, во опасен и смел ноќен напад во северозападниот дел на Сирија во голем стил, ја завршија задачата, тие беа одлични. Никој од нив не беше убиен, додека многумина придружници на Багдади беа убиени, рече Трамп.

Трамп откри и неколку детали за операцијата. Тој додаде дека операцијата траела два часа.

– Нашите кучиња го бркаа низ тунелот, а тој истрча и ги натера своите три деца да трчаат со него. Кога стигнаа до крајот на тунелот, активираше експлозивен елек, убивајќи се себеси и неговите три деца. Неговото тело беше осакатено, но на лице место утврдивме со анализа дека тој е дефинитивно тој. Негативецот, кој работеше толку напорно за да сее страв , во неговите последни моменти, беше преплашен и во паника, исплашен од гонењето , рече Трамп и додаде дека акцијата траела околу два часа.

– Земавме чувствителни документи за ИСИС, нејзиното потекло и планови.