Речиси секој од нас користи Вибер апликација која овозможува полесен контакт, но бидете внимателни бидејќи кружи нова измама на најкористената апликација.
Па доколку некој се обиде да ве измами, веднаш блокирајте го на Вибер, а принтскрин може да испратите и на “Вибер“ за да дознаат за спамот и да предупредат за некој друг да не може да биде измамен.
Деновиве ширум светот преку Вибер пристигнува необична порака.
Според она што го пријавиле неколку корисници станува збор за измама и велат дека добиле порака од сомнително потекло од бројот +79183301602 во која се наведува дека токму вие сте среќен добитник во рамките на “интернационалниот вибер награден фонд“.
Како што пријавиле, во пораката која кружи на Вибер стои дека станува збор за награда од 500.000 американски долари, а за да ги добиете парите потребно е да испратите барање преку меил, а со тоа ќе добиете дополнителни информации, што директно наведува дека на некој ќе му ги оставите вашите лични податоци и меил адреса, а со самото тоа му овозможувате да може да ги злоупотреби.
Секако ваквиот пристап бил сомнителен за корисниците кои веднаш пријавиле дека станува збор за измама која воглавно има цел да краде лични податоци.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.