Три девојчиња на возраст меѓу 12 и 13 години беа денеска сериозно повредени откако во нив удрило такси возило. Настанот се случи во општина Чаир околу 11 часот. Две девојчиња со скршени коски се лекуваат на Клиниката за детска хирургија, а третото кое имало полесни повреди е задржано на опсервација.
Страшната сообраќајна несреќа која се случи попладнево на улица Христијан Тодоровски – Карпош во населбата Чаир повреди три девојчиња.
Децата се на возраст меѓу 12 и 13 години и се здобиле со тешки повреди, тие се пренесени во Клиниката за детска хирургија со скршеници, а третотот кое имало полесни повреди е задржано на опсервација.
„Една од повредените има површни повреди и е задржана само на опсервација, додека другите две имаат скршеници на екстремитетите и наредните денови ќе биде потребна хируршка интервенција. Нивната состојба во моментот е стабилна и ги следи лекарски тим.“
Од МВР велат дека во моментов немаат конкретни информации како се случила несреќата. Таксистот е приведен. Очевидците пак, се шокирани од настанот.
Трите девојчиња лежеа на пешачки. Две беа во тешка состојба, едната стана и седна на тротоар. Едната ни очите не ги отвораше.
Според жителите, сообраќајните незгоди тука се чести. Тие постојано ги повикуваат властите да преземат мерки против брзото возење, но никој не реагирал. Тие велат дека ќе преземат мерки и ќе ја блокираат улицата.
„Многу вакви случаи има во оваа населба, еднаш бремена жена беше прегазена, сега три деца. Што треба да се случи за да се блокира. Секој пат се пријавува во полиција. Велат – ќе бидат преземени мерки, но се чини дека не се преземаат доволно мерки.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.