Несреќа се случи предмалку во скопската населба Аеродром. Пешак беше прегазен предмалку на улицата „Методија Шаторов-Шарло“, кај ресторанот „Еквилибриум“ во Аеродром.

Како што потврдуваат од СВР Скопје за „Република“, околу 18:10 часот било пријавено дека возило прегазило жена. Повеќе детали најавуваат за наскоро. Според очевидци, станува збор за автомобил од марката „тојота версо“.

Екипи на полицијата и Брзата помош веднаш излегле на терен. Повредената жена веднаш беше пренесена во болница, а сè уште не се знае степенот на повредите.

И попладнево  македонските патишта имаше несреќа, за жал во таа згасна детски живот. 

Дете загина во соораќајна несреќа што се случи попладнево околу 14:15 часот на локалниот пат Куманово-Романовце, потврдија од општа болница Куманово.

Детето беше донесено без знаци на живот, лекарите се обидоа да го реанимираат, но безуспешно, велат од кумановската болница.

Во сообраќајната несреќа била повредена уште една патничка со полесни повреди, информираат од болницата.

Од МВР потврдија дека се случила сообраќајна несреќа во која учествувале две патнички возила, а детали најавија откако ќе заврши увидот.