Утринава во медиумите одекна веста дека 52 годишен Македонец бил уапрен при влез во Грција. 

Имено според неофицијални извори на Нетпрес се работи за познатиот пејач, член на групата „Куку Леле“,Сашо Кимовски или познат како Панки.

Панки наводно се барал и со европска потерница, распишана од германските власти за учество во мрежа што пред 13 години крадела податоци од картички на банкомати.

Панки е осомничен дека во 2006 од два банкомати во Минхен, украл податоци и лозинки на кредитни и дебитни картички со поставување на микроскопски чипови што ги снимале податоците и со поставување на дополнителна тастатура и тој заедно со уште две лица со украдените податоци правеле картички – клонови и подигале пари во различни земји, предизвикувајќи штета од над 1.3 милиони евра, од кои над 200 илјади само во Германија. Мрежата била активна и во Македонија, Грција, Италија, Франција и Бугарија.

Утринава грчката новинска агенција АНА-МПА, изјави дека едно лице е уапсено при влез во земјата, а по него германските власти распишале потерница за учество во мрежа што пред 13 години крадела податоци од картички на банкомати.