Лидерот на левичарите во Македонија – Димитар Апасиев на својот приватен фејбук профил „фејвна“ (остави реакција дека многу му се допаѓа постот) и објави твитер статус на кој пишува: – Доктори, професори, вработени во државна администрација, бизнисмени… на листите за пратеници. Виде некој земјоделец, рудар, текстилен работник… на листите? Или овие се ниска класа на луѓе. – Пишува на објавата која ја споделул Димитар Апасиев на својот фејсбук профил.
Овој став кој го споделува и Апасиев произлегува од природата на неговата идеологија која се фундира на борбата на работничката класа против буржазјата и еднаквоста како темелна општествена вредност. Левичарските движења се против елитизацијата и привилегираниот пристап до ресурсите значајни за поединечен опстанок и опастанок на заедницата.
Споделениот статус, е посредна критика која Димитар Апасиев ја упатува до двете најголеми политички партии во Македонија, СДСМ и ВМРО-ДПМНЕ откако ги објавија избирачките листи. Како што се согласува и Апасиев со констатацијата на авторот на твитер статусот, на избирачките листи се вметнати само луѓе кои припаѓаат на така наречената елита и не се обични работници.
Инаку Димитар Апасиев е доктор на правни науки. Дипломирал, магистрирал и докторирал како првенец на повеќе генерации на Правниот факултет „Јустинијан Први“ во Скопје. Моментално предава „Римско право“ на штипскиот универзитет и е често присутен во јавноста со свои објави, колумни, коментари и гостувања во дебатни емисии, каде што се појавува не само како лидер на политичка партија, туку и како експерт.Тој е лидер на политичката партија „Левица“ која годинава се пререгистрира и со новата поставка за прв пат ќе учествува на парламентарните избори.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.