Levica за прв пат ќе стане парламентарна партија, па ќе ви ги помати вашите елитистички сметки, пишува на социјалните мрежи професорот Димитар Апасиев.

-По Устав, после распуштање на Собранието, има рок од два месеца да се одржат предвремени парламентарни ИЗБОРИ. Да беа паметни вмровците, немаше да прифатат вакво насамарување – да има „брзи избори“ дури за шест месеци од сега!?

Дотогаш, баграва ќе влезе у НАТО и ќе следи уште еден еуфоричен НАТОФЕСТ.

ЕУ ќе се осеќа должна кон Заевистите и пак ќе гледаме срцепарателни ТВ пораки за тоа како сме #НаПравПат. Се’ ќе биде подзаборавено, а поразот на СДС на „Нашата Земја“ нема да биде толку драматичен, како ако имаше избори пред Нова Година 😉

p.s. Сета среќа у несреќа е шо Левица / E majta / Levica за прв пат ќе стане парламентарна партија, па ќе ви ги помати вашите елитистички сметки, пишува Апасиев.

Политичките лидери во државава вчера се согласија дека нема друга алтернатива освен евроинтеграцијата, но и закажаа предвремени парламентарни избори на 12 април наредната година.

– Верувам дека граѓаните мудро ќе донесат одлука со која ќе го трасираат патот по којшто ние политичарите, кои ќе добиеме поддршка, ќе ја водиме нашата држава, изјави премиерот и лидер на СДСМ Зоран Заев.

За лидерот на ВМРО ДПМНЕ Христијан Мицкоски, изборите што ќе се одржат наредната година се неминовност, по се она што се случувало во државата.

– Битно е дека имаме нова реалност. Реалноста е дека на 3 јануари 2020 година ќе имаме нов технички премиер, ќе имаме нова техничка влада, а на 12 април 2020 ќе имаме победник на предвремените парламентарни избори, а тоа ќе биде, сигурен сум, Обновата за Македонија, изјави Мицкоски.