Откако вчера јавноста се крена на нозе поради губрето кое го красеше главниот град, и многу негативни коментари беа упатени на сметка на скопскиот градоначалник Петре Шилегов, се огласи и професорот Димитар Апасиев.

Неспособни се ѓубрето од пред зграда да го исчистат, ама затоа – среде вонредна состојба – банкнотите добија илегална додавка СЕВЕРНА + македонскиот народ стана “народ на Северна Македонија” во изјавата на некој си технички премиер чија привремена окупациона Влада има мандат само за организирање избори!?

p.s. Јасно ли ви е? Ако не ви е – тоа и на авторот не му е јасно.

Воедно на коментарите дека градоначалникот Петре Шилегов не успеал да ја организира Комунална хигиена за викендот и се направи хаос од ѓубре во градот, тој вели дека ќе се надмине и дека од денеска се ќе се врати во нормала.

-Немавме проблем со комуналниот отпад и нема да имаме. Состојбата е за еден ден. Се појави еден ден криза и ќе ја надминеме. Од утре состојбата ќе се воведе во нормала и ќе станат минато сликите кои денеска беа споделувани на социјалните мрежи со преполни контејнери. Таквите слики нема да ни се повторат за велигденските празници и покрај тридневниот полициски час, порача скопскиот градоначалник Петре Шилегов.