Македонскиот репрезентативец, Енис Барди ги одигра сите 90 минути на натпреварот, покажа голема борбеност, но немаше влијание при постигнувањето на погодоците на Леванте.
Натпреварот беше отворен во 37. минута кога по асистенција од Џејсон, Роџер од непосредна близина ја смести топката во мрежата за водство на Леванте од 1-0, тоа беше и првиот гол во новата сезона во Примера.
По девет минути игра во вториот дел, напаѓачот Моралес со топката претрча неверојатни 77 метри и постигна гол за водство на гостите од 2-0.
Леванте играше многу организирано и борбено, па немаа проблем да го задржат водството и да запишат три бода.
Не само што ја задржаа предноста, туку во 95. минута со уште еден гол на Моралес славеа убедлив триумф од 3-0.
Претходно се одигра дуелот меѓу Жирона и Ваљадолид кој заврши без голови 0-0.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.