Најстариот жител во градот Мостар, Босна и Херцеговина е Фата Хусиќ која има 111 години, а најсреќна е што по 104 пат по ред пости за време на празникот Рамазан.

Таа за тамошните медиуми изјави дека за првпат почнала да пости во својата седма година, а сега и покрај напреднатата возраст, продолжува да пости, и вели дека сè додека здравјето ѝ дозволува, ќе продолжи со постот.

– Никогаш не сум ниту гладна ниту жедна. Тоа Алах ми го дава секоја година. Ако даде Алах, и овој Рамазан, ќе постам. Научив и петпати на ден да клањам, тоа не го пропуштам. Ми годи тоа, бидејќи навикнав и целиот мој род и пород живее со тоа. Штом ќе почнам со постот, ниту сум гладна ниту сум жедна. По цел ден нема никој, сите некаде одат, а јас со ова (покажува бројаница) разговарам, појаснува Фата.

Таа исто така додава дека радоста ја споделува со соседите.

Трпезата е секогаш богата, но она што нејзе ѝ е најважно за Бајрам, е доаѓањето на многу гости и искрената радост на Бајрам, која во нивното семејство и соседството се споделува.

– Има соседи… За Бајрам доаѓаат многумина… И јас додека можев, не ги заборавав, кој и да се женел или мажел и родил, секому му дарував подароци, раскажува Фата за екипата на агенцијата Анадолија (AA).

Исто така 111-годишната фата ги советува верниците муслиман почесто да да влегуваат и да излегуваат од куќите и автомобилите, бидејќи смета дека без тоа и вистинската вера нема живот.

Тоа го осознала како дете во Првата светска војна, кога уште не знаела зошто плачат мајка ѝ, тетка ѝ и баба ѝ, испраќајќи го нејзиниот татко во војна, бидејќи верува дека молитвите, постот и милостината го спасиле.

– Кога татко ми појде во војна, плачеа баба ми, тетка ми и мајка ми, а јас не знаев зошто тие плачат. Кога дојдоа од војна, татко ми и уште седум други луѓе со него, сите беа ранети, само тој не. Се сеќавам добро, вели Фата, напоменувајќи дека преживеала две светски војни, како и војната во БиХ, но никогаш не престанала да ја практикува верата.