Авторот на  филмот „Ругање на Христа“, Јани Бојаџи, кој деновиве беше на удар на  говор на омраза која го загрозила неговиот живот, а предизвикан од цензурата на неговиот филм од страна на власта.

Тој ввели дека во овој случај власта е порадикална од најлошите режими. Според него власта се фали со забранување на уметнички дела што е  „Убер фашизам“.

Како министер за култура признава дека не го гледал уметничко дело, а  зазема став за исто? Мене тоа не ми влегува во глава, како да го каректеризирам сега ова, а е многу сериозно. Ова е толку опасно што не знам кај ќе стаса, вели Бојаџи.

Тој вели дека премиерот и министерот за култура издале лиценца за негово убивање со тоа што дале вакви изјави за неговото дело. Бојаџи смета дека Заев и Адеми се одговорни за неговиот живот и животот на неговото семејство.

Истиот говор на омраза го предизвика и претседателот на влада Зоран Заев кој исто така го слушав дека кажа дека не го гледал делото. А, и тој повика на омраза кон делото и кон авторот, односно кон мене, објаснува Бојаџи.

Бојаџи додава дека, ако министер за култура се јавува со соопштение, и тоа во недела, тоа говори само за едно, или е вонредна состојба или прашува – во војна ли сме?

Во соопштението министерот наведува дека ќе донесе закон со кој ќе се контролираат идеите со кои ќе се занимаваат уметниците во иднина. Тоа значи дека министерот ќе донесе список со теми и идеи со кои ќе можат да се бават уметниците во оваа земја, зачудено констатира Бојаџи.

Според него ова соопштение е „од министерството за култура во земја која претендира да биде членка на Европската унија.

Бојаџи праша и како е можно во државава каде им е полна устата со Европа и со човекови слободи  и права, министерот за култура и претседателот на влада јавно говорат дека цензурираат уметничко дело.

Дополнително на ова нема никакви реперкусии по нив.  Ним не им фали влакно од главата, констатира тој.