Градоначалникот на општина Аеродром, Златко Марин, нема предизборно ветување кое не го прекршил, па започна и со вработувања само по партиска книшка.

Најновата информација укажува на непотизам и искористување на роднински врски при поставување на директорски позиции.

Новопоставената директорка на градинката „Буба Мара“ во Аеродром, Елена Устамитова, е во тесна роднинска врска со Министерот за информатичко општество и јавна администрација, како и потпретседател на СДСМ, Дамјан Манчевски.

Устамитова поточно е негова братучедка.

И покрај декларативните заложби на ресорниот министер за департизација на администрацијата, тој ја искористил својата положба и заедно со Златко Марин ја поставиле Устамитова за директор на градинка во Аеродром.

Покрај роднинската врска со Дамјан Манчевски, Елена Устамитова е и сестра на Татјана Стојаноска Иванова, сопруга на новинарот Мишко Иванов, за која беше објавено дека наплаќа дневници од по 10.000 денари од општина Аеродром за своите услуги од сферата на едукацијата за ЕУ интегративните процеси.

Предавањата се реализираат преку Институтот „Европа за тебе“, и општината ја чинат нешто под 3.000 евра.