Министерот Венко Филипче истакна дека брзата помош може да стане јавно приватно партнерство но најпрво треба да разговара со експерти.

Според физибилити студијата на здравствените власти има неколку опции со кои може да се подобри работата на оваа служба.

– „Од економски гледан аспект мислам дека може да постои логика, со оглед на тоа што дефинитивно ќе се реши проблемот и со вработените во оваа служба, во смисла на доктори, медицински сестри, парамедици кои што би ги вовеле согласно европските стандарди, меѓутоа сакаме да видиме во исто време дали и ние ќе можеме да го надградиме капацитетот до тој степен да обезбедиме еден континиум во бројот на вработени, кој што е најголемиот проблем“. – Венко Филипче – Министер за здравство.

Министерството за здравство веќе склучи договор за јавно приватно партнерство во областа на стерилизацијата. Приватна фирма ќе ги стерилизира државните болници.

– „Сметаме дека со набавка од едно место со централен увид сериозно ќе го зајакнеме капацитетот, дека ќе го сериозно подобриме квалитето на услугата, во смисла на намалување на болничките инфекции, а сето тоа ќе биде бенефит за пациентите“. – Венко Филипче – Министер за здравство.