Двајца работници загинаа и еден е тешко повреден по излизгување на земјиште при отварање на канал во близина на основното училиште “Пенко” на улицата Кемал Сејфула во скопски Чаир.

Тешката несреќа се случи денеска околу 11:00 часот. Двајцата несреќни загинати, биле браќа кои работеле во компанијата која е во сопственост на нивниот татко. Според неофицијални информации, повреденото лице е нивниот зет.

Според очевидци, за време на несреќата таткото на двајцата работници бил присутeн и се обидел со багер да ги ослободи од натрупаното земјиште, но безуспешно. Каналот бил длабок два метри.

Во моментов екипи на Министерството за внатрешни работи и Судска медицина се на местото на несреќата, која се случи денеска.

Општина Чаир е општина во состав на Град Скопје и најмалата општина по површина во Република Македонија.

Вкупниот број на население во рамките на Општина Чаир според пописот во 2002 година е 64.773 жители, или 3,2% од целокупниот број на жители на Република Македонија. Имајќи предвид дека територијата на општината е 3,52 km², произлегува дека густината на населеност е 18.400 жители на еден квадратен километар, густина која можеби е најголема во Европа.