Познат бизнимен од Скопје, доживеал вистински кошмар откако на 19 ти април, бил жртва на киднапирање заедно со својата сопатничка.

Станува збор за Доротеј Стојанов. Кошмарот на скопскиот бизнисмен почнал кога со неговата сопатничка застанал да вечера во еден струшки ресторан, раскажа Доротеј за телевизија Сител. Тој изјави дека по пат им се приклучиле двајца мажи, познаници на неговата пријателка за кои подоцна ќе се испостави дека се киднапери. Стојанов раскажува дека потоа под присила бил однесен во Радожда. Таму наредба за негово киднапирање ја дал човекот, на кој тој му должел 5 000 евра.

Стојанов во заложнитво поминал седум дена. Киднаперот од него барал да го врати долгот, но бизнисменот успеал да собере само две илјади евра. Тоа не било доволно да си ја исплати слободата.

Стојанов бил премногу исплашен, и решил самиот да се спаси и за среќа успеал во тоа. Ја искористил ноќта за да се извлече од куќата на киднаперот и целиот случај го пријавил во полициска станица во Албанија. Грабнувачот веднаш бил уапсен.

Стојанов случајот денеска го пријави и кај македонските истражни органи. Според него, во грабнувањето се вмешани и лица од Македонија за кои ќе бара одгoворност.