Турските наставници повеќе нема да им даваат домашни задачи на учениците, а материјалот ќе се учи на час, изјави турскиот министер за образование Исмет Јилмаз, истакнувајќи дека старите практики немаат место во новиот начин на учење.
– Од сега натаму, ниеден наставник нема да дава домашна работа на учениците. Сакаме нашите ученици да се фокусираат повеќе на час и материјалот да ги научат уште на час, рече министерот.
Тој уште додаде дека учењето на памет, исто така, веќе нема да се применува во турските училишта.
– Старите методи на учење нема да се повторуваат. Сакаме учениците да можат да го применат во животот она што го учат на час, рече Јилмаз.
– Во следниот период, ќе им обезбедиме на нашите деца образовен систем кој одговара на нашето време и живот. Од следната година нема да им се даваат никакви домашни задачи на учениците, истакна турскиот министер.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.