Српскиот претседател Александар Вучиќ на својот Инстаграм профил вчера објави дека официјално по втор пат стана бруцош.
Вчера тој присуствуваше на свечениот прием на бруцоши во Високата спортска школа и веднаш постави фотографии на социјалните мрежи на кои може да се види тој помеѓу своите колеги студенти.
„Среќен сум што по многу години почнувам да ги остварувам детските соништа“, напиша Вучиќ.
Вучиќ во јули годинава се пофали со фотографија од индекс и мал баскет, и по неа соопшти дека сака да биде тренер по кошарка.
„По втор пат во животот станав студент, овој пат на Вишата спортска школа за стручни студии, сакам да станам тренер за кошарка за деца. Некои од моите неостварени желби се да тренирам деца. Некој клуб, земунски Младост или некој од Ушќе. Некои пионери или кадети. Тоа е мојата најголема желба”, изјави Вучиќ за Курир,а запрашан дали има поголеми амбиции тој одговори: „Не, само мал клуб“.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.