Инаку спорната изјава од страна на амбасадорката беше дадена за време на одржувањето на симулациска игра „Создаваме нова Европа“ која се одржа на Педагошкиот факултет во Скопје, каде амбасадорката ја пренела својата визија за Македонија, уште пред цели десет години. Таа пред насобраните студенти од повеќе балкански земји кои учествуваа во симулациската игра изјави дека во 2020 година, Македонија ќе биде во ЕУ, но ќе има и ново име.

Таа за време на своето претставување ја пренесе визијата за Македонија. Уште тогаш Кноц предвиде дека во 2020 година Македонците ќе почнат со изучување на албанскиот јазик, а децата ќе го изучуваат уште во градинките.

„Во 2020 ќе бидете членка на ЕУ. Ќе имате ново име- ’Северна Македонија’. Владата ќе биде составена од партија со име ’Нова мекедонска партија’, во која членови се Албанци и Македонци. Албанското население ќе го зборува македонскиот јазик, што е случај и денеска, а Македонците ќе го зборуваат албанскиот јазик што ќе го учат уште од детски градинки. Мислам дека ова е убава визија за земјата. Не е нереална, не е утопија. Може да се направи и пред 2020 ако се работи на политички план“, кажа амбасадорката Кноц.

По остриот протест германската амбасада излезе со соопштение преку кое ја дообјаснува изјавата на амбасадорката Кноц.

„Изјавите никако не ја опишуваат германската политика спрема Mакедонија“ стои во соопштението изспратено од германската амбасада.