Според потврдените информации, добиени од набљудувачите и регионалните канцеларии на МОСТ, гласањето се одвива во најдобар ред, без посериозни неправилности.

Проблем е забележан во Прилеп.

На ГМ 1385/1 во Прилеп, откако еден гласач гласал било увидено дека не бил запишан во Избирачкиот список, но тој гласал заедно со неговата сопруга која била запишана во Избирачкиот список и која се потпишала во истиот.

Исто така, жителите на скопското село Рамни Габер не дозволиле да се спроведе гласањето за претседател на државата и ја заклучиле вратата на избирачкото место со катанец лути на градоначалникот дека досега не дошол да види како тие живеат.

Во селото Габер живеат 60 луѓе. Тие како што изјавија самите се решиле на тој чекор, за да им покажат на политичарите колку тие се разочарани од нив.

Од градоначалникот не бараат многу. Сакаат само да се уверат дека не се заборавени од оние за кои го дале гласот.

Жителите се пожалија дека особено во зима едвај се движат кога ќе падне многу снег.