Дури 79 од вкупно 81 градоначалник во Македонија го користат Фејсбук во својата работа. Инстаграм користат вкупно 29 градоначалници, а Твитер користат само 7 градоначалници.
Анализата направена во периодот помеѓу 15 и 30 декември 2018 година, спроведена од страна на Бојан Кордалов, специјалист за односи со јавноста и нови медиуми.
Според анализата, споредено со 2017 година, еден градоначалник помалку бил активен на Фејсбук, додека, пак, има зголемување на бројот на градоначалници кои ги користат другите две социјални мрежи. Инстаграм во 2018 година користеле 8 градоначалници повеќе споредено со 2017 година, а двајца повеќе биле активни на Твитер, компарирано за истиот период.
„Се добива впечаток дека недоволно ресурси се насочуваат во делот на двонасочната комуникација со граѓаните, како и процесот на транспарентност и отчетност. Иако бројките се високи, квалитетот на комуникацијата на социјалните медиуми е генерално на многу ниско ниво. Граѓаните и медиумите бараат и имаат право да бараат одговори, а властите се тие кои имаат обврска да ги дадат одговорите на сите поставени прашања. Нема оправдување за ниту еден градоначалник или носител на било која јавна функција за ваквиот однос, особено ако се потсетиме дека секој функционер се финансира со парите на граѓаните и компаниите“ – вели Бојан Кордалов.
Анализата лани покажала дека 112 од вкупно 120 пратеници користат Фејсбук, а слично истражување покажало дека 23 од вкупно 26 министри се редовно активни на Фејсбук.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.