Тринаесет „бомби“ од вкупно 25 досега се слушнаа во Кривичниот суд од вкупно 25 досега за случајот „Монструм“, објави ТВ21.

Пред почетокот на преслушувањето, Фатиме Фетаи рече дека разговорите се предадени онака како што ги добиле.

„Не смееме да ги раздвоиме. Како што ни се дадени од (премиерот) Зоран Заев, така ги предадовме, за да не биде дека нешто пропуштаме“, истакна Фетаи.

На денешното рочиште се слушаат разговори на Гордана Јанкулоска со Миле Јанакиески, потоа Никола Груевски со Сашо Мијалков.
Во разговор меѓу Миле Јанакиески и Кире Бошков, снимен на 13 април 2012 година, Јанакиески вели дека децата биле мирни, не биле криминалци или зависници од дрога. Дека биле убиени на свиреп начин и дека рибарот бил убиен откако бил сведок на инцидентот.

За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост.